Ирэх даваа гараг буюу нэгдүгээр сарын 22-нд Улаанбаатарт өдөртөө -30 градус хүйтрэнэ гэж Цаг уур, орчны шинжилгээний газраас мэдээлсэн байна.

20-нд нутгийн хойд хэсгээр, цаашдаа ихэнх нутгаар хүйтний эрч эрс чангарч, хүйтэн жавартай байх бөгөөд эдгээр өдрүүдэд зарим нутгаар шөнөдөө -52 градус хүрч хүйтрэх юм байна.

21-нд баруун болон говийн аймгуудын ихэнх нутаг, төвийн аймгуудын нутгийн өмнөд хэсгээр, 22-23-нд зарим газраар, 24-нд нутгийн баруун өмнөд хэсгээр цас орж, цасан шуурга шуурна.

Харин 29-ний даваа гарагаас эргэн дулаарах төлөвтэй байна.