“Ахмадын орон сууц”-ыг тусгай нөхцөлтэйгөөр хөлслүүлэх гэрээний сунгалт хийж эхэлсэн тул иргэд оршин суугчид та бүхэн 2016 оны 01 дүгээр сарын 18-ны өдрөөс 29-ний хооронд гэрээгээ сунгуулна уу.

“Ахмадын хотхон-1” ОНӨААТҮГ-ын захиргаа

Монгол Улсын Ерөнхий сайд Ч.Сайханбилэг “Төрийн үйлчилгээг нэг дороос шуурхай хүргэх, үйлчилгээний чанарыг сайжруулж, хүртээмжийг нэмэгдүүлэх нь Засгийн газрын гол зорилт. Энэ зорилтын хүрээнд төр, иргэн, аж ахуйн нэгжээ ойртуулах, иргэдийн санал хүсэлтийг сонсох “11 11” төвийг байгуулсан. Төрийн 25 үйлчилгээг цахимаар хүргэх 108 ширхэг  ТҮЦ машиныг суурилуулсан. Эдгээр ажлын үргэлжлэл болж “Нийслэлийн үйлчилгээний төв” өнөөдөр нээлтээ хийж байна” гэж онцлоод хурдан, тэгш, нээлттэй зарчмыг мөрдөж ажиллахыг хүслээ.
Нийслэлийн ИТХ-ын дарга Д.Баттулга “Нийслэлийн үйлчилгээний нэгдсэн төв” байгуулагдсанаар иргэдэд үйлчилж буй албан хаагчдын хариуцлага нэмэгдэж, хуулийн дагуу хүнд сурталгүйгээр үйлчилгээ авах бүрэн боломжтой боллоо гэдгийг тодотгон хэлж байсан юм. Харин Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Дөнгөж сая нэг иргэн шаардлагатай бүх бичиг баримтаа бүрдүүлээд нэг цонхон дээрээс үйлчилгээ авч, найман нэрийн барааны дэлгүүрийн зөвшөөрлийн гэрчилгээг албан тушлаатны гарын үсэгтэй нь баталгаажуулаад авсандаа бүр цочирдсон байна. Ингээд л миний зөвшөөрөл болчихсон юмуу гэж бүр дахин лавлаж асууж байна гэнэ. Яг л ийм үйлчилгээг бид үзүүлэх гэж 25 жилийн өмнө Ардчилсан хувьсгал хийж байсан. Иргэд шаардлагатай бичиг баримтаа л аваад ирвэл аль ч даргын өрөөний үүдийг сахихгүйгээр хуулийн хугацаанд өөрт шаардлагатай үйлчилгээгээ авдаг боллоо. Энэ бол Монголын ардчиллын шинэ үе” хэмээн хэллээ.

Тус төвийн албан ёсны нээлтийн ажиллагааны үеэр шинээр мэндэлсэн нийслэлийн бяцхан иргэнд төрсний гэрчилгээ, 16 нас хүрч буй иргэнд иргэний үнэмлэх гардуулж, залуу хосуудын гэрлэлтийг баталгаажуулах ёслолыг Ёслол хүндэтгэлийн танхимд хийлээ. Энгийн өдрүүдэд ч эдгээр ёслол, бүртгэлийн ажиллагааг тогтмол хийх юм. Иргэд үйлчилгээ авахдаа улаан, шар, ногоон гэсэн гурван өнгийн маягтаас  үйлчилгээний төрлөөс хамааран сонгож, бөглөнө. Улаан өнгө-тодорхой хугацаанд буюу хоногийг тодорхой бичнэ, Шар өнгө- 12 цагт багтаан иргэний асуудлыг шийдвэрлэнэ, Ногоон өнгө- шууд шийдвэрлэнэ.
“Нийслэлийн үйлчилгээний нэгдсэн төв”-ийг нийслэлийн гурван цэгт байгуулахаар төлөвлөсөн. Эхний ээлжинд Дүнжингарав худалдааны төвд байгуулсан бол Содон хороолол, Мишээл экспо төв дээр дараагийн төвүүдийг байгуулахаар ажиллаж байна. Дүнжингарав худалдааны төв дэх нийслэлийн “Нийслэлийн үйлчилгээний нэгдсэн төв” нь нэг удаадаа 180, өдөрт 2880-6480 үйлчлүүлэгч хүлээн авч үйлчлэх хүчин чадалтай бөгөөд өөртөө үйлчлэх танхимтай, хүүхэдтэйгээ ирсэн иргэн үйлчилгээ авах хугацаанд хүүхдээ саатуулах хүүхэд саатуулах өрөө, нотариат, кафе зэргийг байгуулсан байна. Мөн Капитрон, Капитал банкны салбар, Голомт банкны өөртөө үйлчлэх бэлэн мөнгөний машин ажиллаж байгаа бөгөөд шаардлагатай тохиолдолд иргэн өөрийн асуудлаар цахим угтах үйлчилгээний өрөөнд нийслэлийн удирдлагуудтай онлайнаар холбогдож асуудлаа шийдвлүүлэх боломжийг бүрдүүлжээ.
Цагийн хуваарь ажлын өдрүүдэд 08:00-20:00, бямба гарагт 10:00-16:00 цагийн хооронд иргэдэд үйлчилнэ. Лавлах утас: 7575-1200

1.1. Улсаас орон сууц авч байгаагүй;

1.2.Улаанбаатар хотын харьяат ба сүүлийн 10 жил хотод амьдарсан байх;

1.3.Өрхийн орлого нь ашиглалтын болон орон сууц хөлслөх зардлаа төлөх чадвартай байх;

1.4.Нийтийн эзэмшлийн эд хөрөнгийн бүрэн бүтэн байдал, элэгдлийн санг тооцсон 3 сарын хөлсийг болон ашиглалтын зардалтай тэнцэхүйц хэмжээний барьцааг төлөх чадвартай байх;

1.5.Өндөр насны тэтгэвэр тогтоолгосон 60 ба түүнээс дээш насны эрэгтэй, 55 ба түүнээс дээш насны эмэгтэй Монгол улсын иргэн байх;

1.6.Өөрийн өмчлөлийн байшин болон автомашингүй байх;

1.7.Нөхцөл байдлын үнэлгээг тухайн иргэн өөрийн оршин суугаа дүүрэг хорооны Нийгмийн халамж үйлчилгээний хэлтсийн ажилтнаар хийлгэж тодорхойлуулсан байх, шаардлагатай бол дүүргийн цагдаагийн хэлтэс, хорооны хэв журмын байцаагчаас тодорхойлолт авах.

1.8.Хөтөлбөр батлагдсан өдрөөс хойш өмчлөлийн эд хөрөнгөө бусдад шилжүүлээгүй байх:

Жич: Гачигдалтай, хөгжлийн бэрхшээлтэй иргэнд 1.5 дахь заалт хамаарахгүй

“АХМАДЫН ОРОН СУУЦ” ХӨТӨЛБӨРТ ХАМРАГДАХ ИРГЭДИЙГ СОНГОН ШАЛГАРУУЛАХ ШИНЭЧИЛСЭН ЖУРАМ ТАТАХ

2. Шалгуур үзүүлэлтийг хангаж байгаа иргэд дараах баримт бичгийг бүрдүүлнэ.

Ахмад настан:

1. Иргэний цахим үнэмлэхний хуулбар

2. Өргөдөл (Өргөдлийг Маягт АОС-1-ийн дагуу гаргана)

3.Өрхийн орлогоо тодорхойлсон баримт (тэтгэврийн дэвтрийн  хуулбар, хөлс төлөх                                      батлан даагчийн орлого, өргөдөл, батлан даагчийн цахим үнэмлэхний хуулбар)

4.Улсаас орон сууц авч байсан эсэх лавлагаа (Эхнэр нөхөр тус бүр)

5. Өмчлөлд нь эд хөрөнгө бүртгэлтэй эсэх лавлагаа (Эхнэр нөхөр тус бүр)

6.Эрэгтэй 60, эмэгтэй 55 наснаас дээш байх

Гачигдалтай, хөгжлийн бэрхшээлтэй иргэн:

1.Иргэний цахим үнэмлэхний хуулбар,

2.Өргөдөл.  (Өргөдлийг Маягт АОС-2-ын дагуу гаргана)

3.Өрхийн орлогоо тодорхойлсон баримт, (тэтгэврийн дэвтрийн  хуулбар, ажил эрхэлдэг бол байгууллагын болон цалингийн тодорхойлолт, хөлс төлөх батлан даагчийн орлого, өргөдөл, иргэний үнэмлэхний хуулбар)

4.Улсаас орон сууц авч байсан эсэх лавлагаа, (Эхнэр, нөхөр тус бүр)

5. Өмчлөлд нь эд хөрөнгө бүртгэлтэй эсэх лавлагаа, (Эхнэр, нөхөр тус бүр)

6.Гачигдалтай иргэн бол Гамшгаас хамгаалах төрийн захиргааны байгууллагын дүгнэлт, акт, тухайн  дүүргийн тодорхойлолт,

7.Хөгжлийн бэрхшээлтэй иргэн бол группын дэвтэр, Хөдөлмөрийн чадвар алдалтын хувь тогтоосон акт,

Шинэчилсэн журам тараах материал татах

3. Дээрх материалуудыг бүрдүүлэн оршин суугаа харъяа дүүргийнхээ “Ахмадын орон сууц” хөтөлбөрт хамргадах иргэдийн сонгон шалгаруулах комисс эсвэл нэг цонхны үйлчилгээнд өгнө.

Жишээлбэл та Сүхбаатар дүүргийн 11 дүгээр хорооны иргэн бол Сүхбаатар дүүрэг дэх “Ахмадын орон сууц” хөтөлбөрт хамргадах иргэдийн сонгон шалгаруулах комисс эсвэл Сүхбаатар дүүрэг дэх Нэг цонхны үйлчилгээнд бүрдүүлсэн материалаа өгнө.

4. Сонгон шалгаруулах комиссын шийдвэрээр “Эрхийн бичиг” авсан иргэд дараах материалыг бүрдүүлэн Сүхбаатар дүүргийн 11 дүгээр хороо, Цагдаагийн гудамж, “Ахмадын хотхон-1” ОНӨААТҮГ-т ирж “Ахмадын орон сууц”-ыг тусгай нөхцөлтэйгээр хөлслүүлэх гэрээ байгуулна.

“Ахмадын орон сууц”-ыг тусгай нөхцөлтэйгээр хөлслүүлэх гэрээ татах

Хөлслөгч:          Иргэний үнэмлэх /Хуулбарын хамт/

Хорооны тодорхойлолт

Тэтгэврийн дэвтэр /Хуулбарын хамт/

Байр хөлслөх эрхийн бичиг /Хуулбарын хамт/

Батлан даагч:  Иргэний үнэмлэх /Хуулбарын хамт/

Хорооны тодорхойлолт

Ажлын газрын тодорхойлолт

Нийгмийн даатгалын дэвтэр /хуулбарын хамт/

Жич:Батлан даагчийн сарын цалингийн орлого 300,000 төгрөгнөөс дээш байх

Оршин суух байрны 3 сарын орон сууцны хөлстэй тэнцэхүйц барьцаа төлбөрийг метр квадратаас шалтгаалж Улаанбаатар хотын 2611182840 тоот дансанд байршуулж, төлбөр төлсөн баримтаа авч ирэх. /1м квадратыг 3000 төгрөгөөр тооцно/

Бүрдүүлэх материалын жагсаалт татах